Llynnoedd Teifi i Lanbedr Pont Steffan Yn tarddu ym Mynyddoedd Cambria, mae Afon Teifi yn disgyn yn gyflym i lawr tuag adfeilion mynachaidd Ystrad Fflur, sy’n deillio o’r 12fed ganrif. Yna mae’r llwybr yn mynd drwy dir fferm, gwarchodfa natur a chymunedau o wahanol feintiau i gyrraedd tref brifysgol Llanbedr Pont Steffan.
Llanbedr Pont Steffan i Landysul Mae rhan ganol Dyffryn Teifi yn cyflwyno afon droellog aeddfed, sy’n dueddol o orlifo, gan ysgogi dargyfeiriadau i ffwrdd o’r afon. Yna mae’r llwybr yn mynd drwy drefi marchnad a melin, gan dynnu’n ôl at dreftadaeth ddiwydiannol y Dyffryn.
Llandysul i Draeth Poppit Mae cymal olaf y llwybr yn cynnig rhaeadrau a ffynhonnau, cestyll ac adfeilion abatai, yn ogystal â llwybrau cerdded gwych ar lan yr afon ar hyd Ceunant Teifi. Ewch ymlaen i aber yr afon yn Nhraeth Poppit i gael y profiad llawn o’r llwybr.
